భగవత్ గీత అధ్యయనం – సాంఖ్య 4

శ్రీ కల్వకొలను చిత్తరంజన్ దాస్ స్మారక సేవా సంస్థ
భగవత్ గీత అధ్యయనం
ఓం శ్రీపరమాత్మనే నమః

::భగవద్గీత::
రెండవ అధ్యాయం:
సాంఖ్య యోగము

అర్జున ఉవాచ:
కథం భీష్మమహం సంఖ్యే ద్రోణాం చ మధుసూదన.
ఇషుభిః ప్రతియోత్స్యమి పూజార్హవరిసూదన ॥4 ॥

అర్జునుడు ఇలా అన్నాడు:
“ఓ మధుసూదనా! పూజ్యులైన భీష్మ పితామహుడితో మరియు గురువు ద్రోణాచార్యుడితో నేను బాణాలతో ఎలా పోరాడగలను? వారు ఇద్దరూ పూజనీయులు కదా!”

భగవాన్ శ్రీకృష్ణుడు ‘మధు’ అనే రాక్షసుడిని సంహరించినందున ఆయనకు ‘మధుసూదనుడు’ అని పేరు వచ్చింది. ఇక్కడ అర్జునుడి సందేహం ఏమిటంటే—కృష్ణుడు సమాజానికి హాని కలిగించే రాక్షసులను సంహరించాడు; కానీ భీష్ముడు, ద్రోణాచార్యుడు అందరిచేత గౌరవించబడే పూజ్యనీయులు, వారి పాదాలను తాకి నమస్కరించదగ్గవారు. అటువంటి వారిపై యుద్ధంలో ఎలా పోరాడగలడు, వారిని ఎలా చంపగలడు?
భీష్ముడు, ద్రోణాచార్యుడు శత్రు పక్షంలో చేరినప్పటికీ, వారి పట్ల అర్జునుడికి ఉన్న భక్తి, గౌరవం ఎంతో గొప్పవి. అర్జునుడిలోని ఈ ఉత్తమ గుణం దుర్యోధనుడిలో అస్సలు లేదు.

జై శ్రీ కృష్ణ
ధర్మో రక్షతి రక్షితః