శ్రీ లలితా సహస్ర నామావళి - తత్వ విచారణ
"సిందూరారుణ విగ్రహాం త్రినయనాం మణిక్య మౌలీస్ఫురత్ తరనాయక శేఖరాం స్మితముఖీమాపీన వక్షోరుహామ్ | పాణిభ్యా మలిపూర్ణరత్న చషకం రక్తోత్ఫలం బిభ్రతీమ్ సౌమ్యం రత్నఘ్టస్ధరక్తచరణం ధ్యాయేత్పరాంబికామ్ ||" సిందూరం మాదిరిగా ఎఱ్ఱనైన శరీరంతో , మూడు కన్నులతో , తారానాయకుడైన చంద్రుడిని మాణిక్యకిరీటంనందు ధరించి , చిరునవ్వుతో కూడిన ముఖంతో , ఉన్నతమైన వక్షస్థలంతో , చేతులలో రత్నాభాండాన్ని , ఎఱ్ఱని కలువను ధరించి , సౌమ్యమైన రూపంతో, రత్నఘటమందున్న ఎఱ్ఱని పాదాలతో ప్రకాశించు పరాదేవిని ద్యానించాలి .🙏 " అరుణాం కరుణా తరఙ్గతాక్షిం దృత పాశాంకుశ పుష్పబాణచాపామ్ | అణిమాదిభి రావృతం మయూఖై రహ మిత్యేవ విభావయే భవానీమ్ || "
 | 943. విమానస్థా |  |
శిఖరము నందు స్థానము కలది విమానము అనగా ఎత్తులో వున్నది. గుడి గోపురమును విమానము అందురు. శ్రీ చక్ర బిందు కోణము నందు, గుడి గోపురము నందు లేదా మనలో సహస్రార పద్మము యందు స్థానము కలది అని ఈ నామము యొక్క అర్థము చెప్పుకోవచ్చును. మన శరీరములో సహస్రారమే విమాన స్థానము. అందు నివసించి వున్న పరమేశ్వరికి నమస్కారము 🙏 🌺 మనలోని ధర్మ నిబద్ధతయే మేరు శిఖరము అంతటి కీర్తిని ప్రసాదిస్తుంది 🌺 | ||
