శ్రీ లలితా సహస్ర నామావళి - తత్వ విచారణ
"సిందూరారుణ విగ్రహాం త్రినయనాం మణిక్య మౌలీస్ఫురత్ తరనాయక శేఖరాం స్మితముఖీమాపీన వక్షోరుహామ్ | పాణిభ్యా మలిపూర్ణరత్న చషకం రక్తోత్ఫలం బిభ్రతీమ్ సౌమ్యం రత్నఘ్టస్ధరక్తచరణం ధ్యాయేత్పరాంబికామ్ ||" సిందూరం మాదిరిగా ఎఱ్ఱనైన శరీరంతో , మూడు కన్నులతో , తారానాయకుడైన చంద్రుడిని మాణిక్యకిరీటంనందు ధరించి , చిరునవ్వుతో కూడిన ముఖంతో , ఉన్నతమైన వక్షస్థలంతో , చేతులలో రత్నాభాండాన్ని , ఎఱ్ఱని కలువను ధరించి , సౌమ్యమైన రూపంతో, రత్నఘటమందున్న ఎఱ్ఱని పాదాలతో ప్రకాశించు పరాదేవిని ద్యానించాలి .🙏 " అరుణాం కరుణా తరఙ్గతాక్షిం దృత పాశాంకుశ పుష్పబాణచాపామ్ | అణిమాదిభి రావృతం మయూఖై రహ మిత్యేవ విభావయే భవానీమ్ || "
950. పంచసంఖ్యోపచారిణీ | ||
పంచోపచార పూజ స్వీకరిస్తుంది. ఉపచారము అనగా సేవ. భక్తితో చేసే సేవ పరమేశ్వరి స్వీకరిస్తుంది. గంధం, పుష్పం, ధూపం, దీపం, నైవేద్యం అన్నవి పంచ ఉపచారములు. భక్తి భావనతో సమర్పించే పంచ ఉపచారములకు ప్రీతి చెందే పరమేశ్వరికి నమస్కారము.🙏 🌺 పంచ సంఖ్య తో పరమేశ్వరి యొక్క ఆరాధన చేయు వారి కోరికలను తీరుస్తుంది. 🌺 |