శ్రీ లలితా సహస్ర నామావళి - తత్వ విచారణ
"సిందూరారుణ విగ్రహాం త్రినయనాం మణిక్య మౌలీస్ఫురత్ తరనాయక శేఖరాం స్మితముఖీమాపీన వక్షోరుహామ్ | పాణిభ్యా మలిపూర్ణరత్న చషకం రక్తోత్ఫలం బిభ్రతీమ్ సౌమ్యం రత్నఘ్టస్ధరక్తచరణం ధ్యాయేత్పరాంబికామ్ ||" సిందూరం మాదిరిగా ఎఱ్ఱనైన శరీరంతో , మూడు కన్నులతో , తారానాయకుడైన చంద్రుడిని మాణిక్యకిరీటంనందు ధరించి , చిరునవ్వుతో కూడిన ముఖంతో , ఉన్నతమైన వక్షస్థలంతో , చేతులలో రత్నాభాండాన్ని , ఎఱ్ఱని కలువను ధరించి , సౌమ్యమైన రూపంతో, రత్నఘటమందున్న ఎఱ్ఱని పాదాలతో ప్రకాశించు పరాదేవిని ద్యానించాలి .🙏 " అరుణాం కరుణా తరఙ్గతాక్షిం దృత పాశాంకుశ పుష్పబాణచాపామ్ | అణిమాదిభి రావృతం మయూఖై రహ మిత్యేవ విభావయే భవానీమ్ || "
 | 771. దురారాధ్యా |  |
అమ్మవారిని ఆరాధించడము దుష్టులకు సాధ్యము కానిది శరీరము పట్ల వ్యామోహము పెట్టుకున్నావారు, నేను, నాది అన్న భేదము చూపువారు, దుష్ట భావనలు కలిగి ఉన్నవారి పూజలను పరమేశ్వరి స్వీకరించదు. నిష్కామ పూజను స్వీకరించు పరమేశ్వరికి నమస్కారము🙏 🌺మానవ జన్మకు సార్ధకం కలిగించే కర్మలను ఆచరిస్తాము🌺 | ||
