శ్రీ లలితా సహస్ర నామావళి - తత్వ విచారణ
"సిందూరారుణ విగ్రహాం త్రినయనాం మణిక్య మౌలీస్ఫురత్ తరనాయక శేఖరాం స్మితముఖీమాపీన వక్షోరుహామ్ | పాణిభ్యా మలిపూర్ణరత్న చషకం రక్తోత్ఫలం బిభ్రతీమ్ సౌమ్యం రత్నఘ్టస్ధరక్తచరణం ధ్యాయేత్పరాంబికామ్ ||" సిందూరం మాదిరిగా ఎఱ్ఱనైన శరీరంతో , మూడు కన్నులతో , తారానాయకుడైన చంద్రుడిని మాణిక్యకిరీటంనందు ధరించి , చిరునవ్వుతో కూడిన ముఖంతో , ఉన్నతమైన వక్షస్థలంతో , చేతులలో రత్నాభాండాన్ని , ఎఱ్ఱని కలువను ధరించి , సౌమ్యమైన రూపంతో, రత్నఘటమందున్న ఎఱ్ఱని పాదాలతో ప్రకాశించు పరాదేవిని ద్యానించాలి .🙏 " అరుణాం కరుణా తరఙ్గతాక్షిం దృత పాశాంకుశ పుష్పబాణచాపామ్ | అణిమాదిభి రావృతం మయూఖై రహ మిత్యేవ విభావయే భవానీమ్ || "
 | 773. పాటలీకుసుమప్రియా |  |
పాటలీ పుష్పము పరమేశ్వరికి ప్రీతి ఈశ్వరుడుకి మారేడు దళము ప్రీతి, అటులనే పరమేశ్వరికి పాటలీ కుసుమము చాలా ప్రీతి. మానవ హృదయాన్ని పాటలీ పుష్పముగా భావించి అర్పణ చేస్తే, పరమేశ్వరి ప్రీతి చెంది సంతోషముగా స్వీకరిస్తుంది🙏 🌺స్వచ్చమైన మనస్సు, పరమేశ్వరికి ప్రీతి. సత్సాంగత్యము ద్వారా మనస్సు పవిత్రతను చెందుతుంది 🌺 | ||
