శ్రీ లలితా సహస్ర నామావళి - తత్వ విచారణ
"సిందూరారుణ విగ్రహాం త్రినయనాం మణిక్య మౌలీస్ఫురత్ తరనాయక శేఖరాం స్మితముఖీమాపీన వక్షోరుహామ్ | పాణిభ్యా మలిపూర్ణరత్న చషకం రక్తోత్ఫలం బిభ్రతీమ్ సౌమ్యం రత్నఘ్టస్ధరక్తచరణం ధ్యాయేత్పరాంబికామ్ ||" సిందూరం మాదిరిగా ఎఱ్ఱనైన శరీరంతో , మూడు కన్నులతో , తారానాయకుడైన చంద్రుడిని మాణిక్యకిరీటంనందు ధరించి , చిరునవ్వుతో కూడిన ముఖంతో , ఉన్నతమైన వక్షస్థలంతో , చేతులలో రత్నాభాండాన్ని , ఎఱ్ఱని కలువను ధరించి , సౌమ్యమైన రూపంతో, రత్నఘటమందున్న ఎఱ్ఱని పాదాలతో ప్రకాశించు పరాదేవిని ద్యానించాలి .🙏 " అరుణాం కరుణా తరఙ్గతాక్షిం దృత పాశాంకుశ పుష్పబాణచాపామ్ | అణిమాదిభి రావృతం మయూఖై రహ మిత్యేవ విభావయే భవానీమ్ || "
658. ఇచ్చాశక్తి జ్ఞానశక్తి క్రియాశక్తి స్వరూపిణీ | ||
గుణత్రయ స్వరూపము కంఠము నుంచి కటివరకు ఇచ్ఛాశక్తి, శిరస్సు - జ్ఞానశక్తి, కటి నుంచి పాదాలవరకు క్రియాశక్తి . ఈ రకంగా రూపం కలిగి ఉన్నది పరమేశ్వరి అని ఈ నామముయొక్క వివరణ. త్రిమూర్తి స్వరూపమే ఇచ్ఛా, జ్ఞాన, క్రియా రూపము. పరమేశ్వరి త్రిశక్తి స్వరూపిణి.🙏 🌺 త్రి శక్తి స్వరూపిణిగా మనలోని ఇచ్ఛా, జ్ఞాన, క్రియ ఇత్యాదులకు చైతన్యాన్ని కలిగిస్తుంది. 🌺 |