శ్రీ లలితా సహస్ర నామావళి - తత్వ విచారణ
"సిందూరారుణ విగ్రహాం త్రినయనాం మణిక్య మౌలీస్ఫురత్ తరనాయక శేఖరాం స్మితముఖీమాపీన వక్షోరుహామ్ | పాణిభ్యా మలిపూర్ణరత్న చషకం రక్తోత్ఫలం బిభ్రతీమ్ సౌమ్యం రత్నఘ్టస్ధరక్తచరణం ధ్యాయేత్పరాంబికామ్ ||" సిందూరం మాదిరిగా ఎఱ్ఱనైన శరీరంతో , మూడు కన్నులతో , తారానాయకుడైన చంద్రుడిని మాణిక్యకిరీటంనందు ధరించి , చిరునవ్వుతో కూడిన ముఖంతో , ఉన్నతమైన వక్షస్థలంతో , చేతులలో రత్నాభాండాన్ని , ఎఱ్ఱని కలువను ధరించి , సౌమ్యమైన రూపంతో, రత్నఘటమందున్న ఎఱ్ఱని పాదాలతో ప్రకాశించు పరాదేవిని ద్యానించాలి .🙏 " అరుణాం కరుణా తరఙ్గతాక్షిం దృత పాశాంకుశ పుష్పబాణచాపామ్ | అణిమాదిభి రావృతం మయూఖై రహ మిత్యేవ విభావయే భవానీమ్ || "
 | 554. అగ్రగణ్యా |  |
అగ్రము అనగా ప్రధమంగా, గణ్యా అంటే గణింప తగినది. దేవతలందరిలో ముందుగా గణింపబడేది. ఈ సకల చరాచర జగత్తుకు మూల కారణము. సృష్టిరూపకల్పనకు ముందుగా వున్న తేజో శక్తి స్వరూపిణి. 33 కోట్ల దేవతా స్వరూపాలకు అధిపతి. ఆమెయే అగ్రగణ్యా లలితా పరమేశ్వరీ 🙏 🌺ఉత్తములుగా పేరు తెచ్చుకోగలుగుతాము 🌺 | ||
