శ్రీ లలితా సహస్ర నామావళి - తత్వ విచారణ
"సిందూరారుణ విగ్రహాం త్రినయనాం మణిక్య మౌలీస్ఫురత్ తరనాయక శేఖరాం స్మితముఖీమాపీన వక్షోరుహామ్ | పాణిభ్యా మలిపూర్ణరత్న చషకం రక్తోత్ఫలం బిభ్రతీమ్ సౌమ్యం రత్నఘ్టస్ధరక్తచరణం ధ్యాయేత్పరాంబికామ్ ||" సిందూరం మాదిరిగా ఎఱ్ఱనైన శరీరంతో , మూడు కన్నులతో , తారానాయకుడైన చంద్రుడిని మాణిక్యకిరీటంనందు ధరించి , చిరునవ్వుతో కూడిన ముఖంతో , ఉన్నతమైన వక్షస్థలంతో , చేతులలో రత్నాభాండాన్ని , ఎఱ్ఱని కలువను ధరించి , సౌమ్యమైన రూపంతో, రత్నఘటమందున్న ఎఱ్ఱని పాదాలతో ప్రకాశించు పరాదేవిని ద్యానించాలి .🙏 " అరుణాం కరుణా తరఙ్గతాక్షిం దృత పాశాంకుశ పుష్పబాణచాపామ్ | అణిమాదిభి రావృతం మయూఖై రహ మిత్యేవ విభావయే భవానీమ్ || "
585. మహావిద్యా | ||
దశ మహావిద్యా స్వరూపిణి పరమేశ్వరీ దశమహావిద్య స్వరూపిణిగా సాధకుడిని సాక్షాత్కరిస్తుంది. 1) శ్రీకాళీదేవిగా ఆరాధిస్తే శత్రు నాశనం, దీర్షాయువుని ప్రసాదిస్తుంది .2)శ్రీతారాదేవి దివ్యజ్ఞానం, వాక్సిద్ధి ప్రసాదిస్తుంది . 3)శ్రీషోడశీదేవి మానసికశాంతి లభిస్తుంది. 4)శ్రీ భువనేశ్వరీదేవి సమస్త సిద్దుల్ని ప్రసాదిస్తుంది. 5)శ్రీ త్రిపుర భైరవీ దేవి సంకటాలు నుండి విముక్తి లభిస్తుంది. 6)శ్రీఛిన్నమస్తాదేవి సరస్వతీసిద్ధిని , శత్రువుకి అపజయాన్ని కలిగిస్తుంది. 7)శ్రీ ధూమవతీ దేవి వ్యాధుల నుండి విముక్తి చేస్తుంది.8)శ్రీ బగళాముఖీ దేవి వాదప్రతివాద విషయాల్లో విజయాన్ని ప్రసాదిస్తుంది. 9) శ్రీ మాతంగీదేవి ఐశ్వర్యమును ప్రసాదిస్తుంది. 10)శ్రీ కమలాత్మికాదేవి పుత్రపౌత్రాభివృద్ధిని, సుఖసంతోషాల్ని సాధకుడికి ప్రసాదిస్తుంది.🙏 🌺లలితా పరమేశ్వరీ స్వరూపమైన గాయత్రే దేవిని ఆరాధిస్తే సకలాభివృద్ధి కలుగుతుంది 🌺 |