శ్రీ లలితా సహస్ర నామావళి - తత్వ విచారణ
"సిందూరారుణ విగ్రహాం త్రినయనాం మణిక్య మౌలీస్ఫురత్ తరనాయక శేఖరాం స్మితముఖీమాపీన వక్షోరుహామ్ | పాణిభ్యా మలిపూర్ణరత్న చషకం రక్తోత్ఫలం బిభ్రతీమ్ సౌమ్యం రత్నఘ్టస్ధరక్తచరణం ధ్యాయేత్పరాంబికామ్ ||" సిందూరం మాదిరిగా ఎఱ్ఱనైన శరీరంతో , మూడు కన్నులతో , తారానాయకుడైన చంద్రుడిని మాణిక్యకిరీటంనందు ధరించి , చిరునవ్వుతో కూడిన ముఖంతో , ఉన్నతమైన వక్షస్థలంతో , చేతులలో రత్నాభాండాన్ని , ఎఱ్ఱని కలువను ధరించి , సౌమ్యమైన రూపంతో, రత్నఘటమందున్న ఎఱ్ఱని పాదాలతో ప్రకాశించు పరాదేవిని ద్యానించాలి .🙏 " అరుణాం కరుణా తరఙ్గతాక్షిం దృత పాశాంకుశ పుష్పబాణచాపామ్ | అణిమాదిభి రావృతం మయూఖై రహ మిత్యేవ విభావయే భవానీమ్ || "
 | 278. పద్మాసనా |  |
పద్మములు తన ఆసనముగా వున్నవి. బ్రహ్మణి స్వరూపము. మానవ దేహమునందు చక్రములు పద్మములు. చక్రముని పద్మాసనముగా వేసుకొని సహస్రారము చేరుకుంటుంది. సహస్రారమునందు ఆమె వేయి రేకుల పద్మముగా వికసిస్తుంది. పద్మాసనములో వున్న తల్లికి నమస్కారము 🙏 🌺సృజనాత్మక భావములతో మన బుద్ధి పద్మమువలే వికసిస్తుంది. ధర్మమార్గమున నడిచేందుకు దారి చూపిస్తుంది .🌺 | ||
